स्याला
आई स्याले दी रुत ठंडे पाले दी ब्हार पालै हेठ कंबदियां सरेआं दियां कंदलां मछलैनी दी चाह कन्नै सत्तू असें खाने होर केह साग बनाचै दस्स मड़ी संदलां। चुल्ल छुड़ी गींठी दे बाझ निं हून गुजारा बंज्जे दियां…
R
Ritu Singh
Writer
आई स्याले दी रुत ठंडे पाले दी ब्हार पालै हेठ कंबदियां सरेआं दियां कंदलां मछलैनी दी चाह कन्नै सत्तू असें खाने होर केह साग बनाचै दस्स मड़ी संदलां। चुल्ल छुड़ी गींठी दे बाझ निं हून गुजारा बंज्जे दियां बसाठियां ते ङारें दा स्हारा खेढां पांदे न्याने थर -थर कंबदे स्याने चुल्ली दे पचोलै शौंकू झूरदा बचारा। गोडें-गोडें पाला ते मुट्ठ निं आटे दी दस्स मिगी संदला कि’यां जाङ घराटे गी कंबलुए दिएं लिंदरें दियां ब’न्न जराबां बाननी थुआट बिंद टोटे-टाटे सी। पानी जम्मेआ नाड़ुएं जागत रौला पांदे डंगर बच्छू तरेहाए दे बक्ख रम्हांदे पाले दी भरियै गागर चुल्ली र टकांदे घाली-घाली पाला बच्छुएं गी पलेआंदे। भरियै बंदूक ते सेंही दी पैरा लांदा संदलां गलांदी मत नजिब्बें गी सतांदा मसां-मसां पाला भन्नी चढ़दा धारें गी ते करी शकार मुआ शौंकू पच्छोतांदा। फड़कू लेइयै पाले पर गै खेढां पांदे चढ़ी करैने पर बक्ख घसूतड़ियां लांदे होई जाना कस्सरी मोएओ मां समझांदी जोर भमै जिन्ना लागे न्याने निं थम्हांदे। ———————————————-
