कुसै दे फट्ट निं सीत्ते
कुसै दे फट्ट निं सीत्ते, कुसै रोंदे गी निं हस्साया ओह् जीना बी केह् जीना, कुसै दे कम्म निं आया। बनाई भोलियां शक्लां, सिरे दे छल ने कीत्ते मनें दा जैहर मिठ्ठियें मिठ्ठियें गल्लें ने लपाया। मनें दे मैल…
V
Vikas Mangotra
Writer
कुसै दे फट्ट निं सीत्ते, कुसै रोंदे गी निं हस्साया ओह् जीना बी केह् जीना, कुसै दे कम्म निं आया। बनाई भोलियां शक्लां, सिरे दे छल ने कीत्ते मनें दा जैहर मिठ्ठियें मिठ्ठियें गल्लें ने लपाया। मनें दे मैल निं धोते, लबादे पाई ले कोरे चिट्टे बीजी साख झूठें दी,देवी देवतायें गी भरमाया। कुक्खां घोखिये सकाये, औंकर फुट्टन निं दित्ते कुसै गी सीस निं दित्ती, कदें निं हौंसला बधाया। फंघ लुट्टी खसुट्टी ले, गास खुस्सी खुस्सी ले पैंछी उड्डने शा पैहले, बन्नी पिंजरे च टकाया। त्रेलू दा हा ऐह् मोती, सेकें शा बचाना हा बजाए रक्खेआ करने दे, घरैखियें ने सकाया। कदें तुतलांदे गीते गी, मड़ो जीह्बां निं दित्तियां ले मीटी मूंह् तुसें अपने, एह् केह्ड़ा जुल्म कमाया। पनीरी हौंसले दी तुसें, कदें मठोन गै निं दित्ती गलामी चापलूसी दा गै, सबक पढ़ेआ पढ़ाया। बस कीतियां गल्लां, चज्जै दा कम्म निं कीत्ता हल्ला शेरी निं दित्ती, कदें टठ्ठें गी निं ठुआया। नेईं बने मैहरम कुसै दे, कुसै गी गले निं लाया लानत ऐ उस जीने गी , कुसै दे कम्म निं आया। ——————————————————
